突然發現...自己的終極問題

2009年12月17日
12點39分


突然認為，

自己過去既生活
太過依賴別人
過份跟隨別人喜惡　
而扭曲自己


不過
而家要立下2010年目標

就係建立多D個人既野

做事要更加 獨立、自主、不依賴

無論生活、金錢（我知好難，但會努力）、甚至政見。

磨拳擦掌等總辭

泛民五區總辭呢單野
係政改未出都已經聽聞過

不過好多人可能都會好似我咁諗：
「睇下點～唔係拖到不了了之，就係到時有人縮沙O架O者~」

哈，點知真係不出所預料，一拖再拖，拖到政改出埋，都仲有黨想縮沙唔玩。

好在公民「袋」不負眾望，繼續膠。
當然唔少得最夠「薑」既社民連喇。

不過如果係總辭就唔該快ｘD，
因為好快d有票在手．
交稅又唔少既納稅人就會知道，
原來比你地玩一玩，
要用成一億五千萬補選既話，
到時你地行得出立法會，
就唔好指望行得返入去，
到時工又無，
D 最新Product又唔知係邊到掟，
影響銷量就真係唔好喇。

你話係咪呀？黃老板！

想成為向上爬的跳蚤

記得《蘇菲的世界》中，神秘人給蘇菲的頭幾封信中，有封提及成年人與小朋友的分別。

小朋友與生俱來就很有好奇心，又咬東西，又每事問。

可是，人大了，認識的東西愈來愈多，會認為很多事件都是既定的樣子，或既定地發生，從而欠缺重新探索的心。

此情況就像兔子身上吸血吸得飽飽的跳蚤，失去了向毛頂端爬的動力，沒有了向外面世界探索的好奇心。

我喜歡與小朋友談話，不是因為我孌童，而是因為問他們問題，由於他們沒有包袱，沒有很多知識，因此反而得到的答案常常出乎意料，非常創新。

好奇心和試驗的動力，我認為是人生很重要的一環。


其實此文是寫給的一位朋友看的，希望他明白：
不要以一套死的理論，套牢著活生生的自己。

民政事務總署的用途

以下係一單關於工業行動0既報導:

http://hk.apple.nextmedia.com/realtime/art_main.php?iss_id=20091101&sec_id=6996647&subsec=6996645&art_id=13373674


我睇完以上報道，好大聲嗌0左0下：有無搞錯?!
有幾搞錯?!
我唔直接答你，
我用例子答。


各位80年代出生的朋友們，
你地對民政事務總署的用途認識有幾多呢?
而大家又究竟用過佢地咩野服務呢?

我仲記得我細個個時，屋企樓下有三間政府部門辦事處，分別係婚姻註冊處，教育處同民政事務署，而真係有用過0既就只有民政事務署。（而家當然全部搬晒喇）

由於80年代尾，90年代初，internet未普及，所以我當年要申請政府野，事無大小都要去個度拎表、交表。頂多新年去排隊拎利是封同拎月曆。再頂多去拎太陽計劃飛咧，好未？！


不過而家科技發達，連結婚排期都可以網上搞0既年代，
民政事務署0既員工又有咩野做呢?
民政事務署0既員工又搵緊幾錢個月呢?
民政事務署0既員工每年又會加幾多人工呢?

竟然比野你做，可以唔做，又唔會怕比人炒。
如此好工，何處可尋？

天星碼頭「死」得好慘

琴晚係有線睇施政報告內容
見到有一個point係:「減低天星碼頭重建密度,將其發展成市民休憩用地。」

我彈地身大叫: 有無搞X錯呀!


仲記唔記得當其時天星要拆
心情如何呀？

我當時真係好唔捨得
話晒我由細到大都係住港島
一個星期
一定有一兩次坐船過海去文化中心

人大左　就去皇后碼頭
同Ｄ Friend 吹下海風、傾下計

不過，個時我無學保育撚咁阻礙清拆

反而我好積極咁諗：
「我送走左天星碼頭，可能換來中環繞道、
好似ＩＦＣ咁既商廈同高級酒店，
所以拆左佢都值gei，經濟效益大過晒天星喇！」

不過，曾特首竟然為「環保」轉軑。


如果我係天星碼頭同皇后碼頭
真係死都死得唔眼閉！

天星鬼會話：乜我比唔到市民休憩既用地咩？！咁d市民以前做咩係我呢度溝女？！
皇后鬼會話：我老，不過我仲用得wor!我本來唔想安樂死架!

新既「休憩用地」，可能比多ｄ人睇到煙花，多ｄ人溝到女，不過經濟效益真係一丁點都無！


不過我明白
特首都係比環保撚壓迫
先會做出如此不智既決定．．．

唉．．．．．
我真係好掛住舊天星碼頭

突然開始

2009年10月14日
就從
普普通通的一個中午
開始